नेपाल र वेस्टइन्डिज एबीचको ५ खेलको टि–२० सिरिजको तेस्रो खेल आज हुँदैछ। खेल कीर्तिपुरस्थित टियू मैदानमा दिउासो १२ः१५ बजे सुरु हुनेछ।
सिरिज १–१को बराबरीमा रहेका दुवै टिमलाई आज जित निकाल्दै सिरिजमा अग्रता लिने अवसर छ। दुवै टिम सोही लक्ष्यका साथ मैदान उत्रनेछन्।
पहिलो खेलमा नेपाल ४ विकेटले जितेको थियो भने दोस्रो खेलमा ब्याटिङ नचल्दा नेपाल १० रनले पराजित भएको थियो।
तेस्रो खेलमा वेस्टइन्डिज एलाई हराउँदै सिरिजमा अग्रता लिने हो भने रोहितसँगै अन्य ब्याट्सम्यान पनि चल्नुपर्ने छ भने डेथ ओभरमा बलिङमा पनि सुधार गर्नुपर्ने छ। रोहितले पहिलो खेलमा शतक र दोस्रो खेलमा अर्धशतक बनाएका थिए।
विश्वकपको तयारीका खेलिएको सिरिज भएकाले दुवै टिममा केही परिवर्तन देख्न सकिनेछ। नेपालल कुशल भुर्तृृेल र अनिल शाहको स्थानमा आसिफ शेख र सन्दीप जोराले मौका पाउन सक्छन्। यस्तै, दोस्रो खेलमा नरहेका अविनाश बोहरा पनि फर्कन सक्नेछन्।