विश्वकपको तयारीका लागि वेस्टइन्डिजमा रहेको नेपाली क्रिकेट टिमले पहिलो अभ्यास खेलमा जित निकालेको छ।
मंगलबार राति भएको खेलमा कुशल भुर्तेल र दीपेन्द्रसिंह ऐरीले अर्धशतक प्रहार गरेपछि नेपालले विनवार्ड्स भोलक्यानोजलाई ४ विकेटले हरायो।
१९७ रनको लक्ष्य पछ्याएको नेपालले १९.३ ओभरमा ६ विकेट गुमाएर पूरा गर्यो। नेपालको जितमा दीपेन्द्रसिंह ऐरीले ५२ र कुशल भुर्तेलले ७० रन बनाए।
यस्तै, सोमपाल कामीले ३५ रन बनाउँदा आशिफ शेखले २६ रन बनाए। सातौं विकेटका लागि सोमपाल र दीपेन्द्रले उत्कृष्ट साझेदारी गर्दै दबाबपूर्ण अवस्थाबाट नेपाललाई जित दिलाए।
११८–६ को अवस्थामा पुगेको नेपाललाई सातौं विकेटका लागि सोमपाल र दीपेन्द्रले ९७ रनको आक्रामक जित दिलाएका थिए।
त्यसअघि पार्क हिल प्लेइङ फिल्डमा टस हारेर ब्याटिङ गरेको भोलक्यानोजले २० ओभरमा ८ विकेट गुमाउँदै १९६ रन बनाएको थियो।
नेपालका रोहित पौडेलले तीन र प्रतिश जिसीले एक विकेट लिए।
नेपाल र विनवार्ड्सबीचको दोस्रो खेल बिहीबार र तेस्रो खेल शनिबार हुँदैछ।