सबै खेल 
आइसीसी टी–२० विश्वकप क्रिकेटमा आयोजक अमेरिकाले विजयी सुरुवात गरेको छ। सोमबार बिहान भएको उद्घाटन खेलमा उसले छिमेकी मुलुक क्यानडामाथि ७ विकेटको शानदार जित निकाल्यो।
अमेरिकाले १९५ रनको विशाल लक्ष्य १७.४ ओभरमा ३ विकेटको क्षतिमा भेट्टायो।उसका लागि आरोन जोन्सनले विस्फोटक ब्याटिङ गरे। उनले ४० बलमा ४ चौका र १० छक्का मद्दतमा नटआउट ९४ रन बनाए।
उसका लागि आन्द्रिस गौसले ४६ बलमा ७ चौका र ३ छक्का मद्दतमा ६५ रन बनाए। आन्द्रेस र आरोनले तेस्रो विकेटका लागि १३१ रनको शतकीय साझेदारी गर्दै टिमलाई जितको बाटो देखाएका थिए । यस्तै, कप्तान मोनांक पटेलले १६ रन बनाए।
बलिङमा क्यानडाका कलिम सना, डिलोन हेलिगर र निखिल दत्तले समान १ विकेट लिए।
त्यसअघि पहिला ब्याटिङ गरेको क्यानडाले नवनीत धालिवाल र निकोलश क्रिटोनको अर्धशतक मद्दतमा निर्धातिर ओभरमा ५ विकेटको क्षतिमा १९४ रन बनायो। धलिवालले ४४ बलमा ६ चौका र ३ छक्का मद्दतमा सर्वाधिक ६१ रन बनाए।
यस्तै, क्रिटोनले ३१ ब्लमा ३ चौका र २ छक्का मद्दतमा ५१ बनाउँदा श्रैयस मोवाले १६ बलमा ३२, आरोन जोन्सन १६ बलमा २३ रनको योगदान दिए।
बलिङमा अलि खान, हर्मित सिंह र कोरी एन्डरसनले समान १ विकेट लिए।
प्रतियोगिता अन्तर्गत आज राति अर्को आयोजक वेस्टइन्डिजले पपुवा न्युगिनीको सामाना गर्ने भने भोलि बिहान ओमान र नामिबिया भीड्ने छन्।
