अर्जेन्टिनी सुपर स्टार लियोनल मेसी अहिले कोपा अमेरिका खेल्न अमेरिकामा छन्। मेसी नेतृत्वको डिफेन्डिङ च्याम्पियन अर्जेन्टिनाले कोपामा विजयी सुरुआत गरेको छ।
शुक्रबार बिहान एट्लान्टामा भएको उद्घाटन खेलमा अमेरिकाले क्यानडालाई २–०ले हरायो।
यो खेलसँगै ३६ वर्षीय मेसीले थुप्रै रेकर्ड तोड्दै त्यसमा आफ्नो नाम लेखाए। क्यानडाविरुद्धको खेल मेसीको कोपा अमेरिकाको ३५औं खेल थियो। योसँगै मेसी कोपा अमेरिकामा सर्वाधिक खेल खेल्ने खेलाडी बनेका छन्।
यस्तै, क्यानडाविरुद्ध टिमलाई जिताउन एक असिस्ट गरेका मेसी ठूला प्रतियोगितामा सर्वाधिक धेरै गोलका लागि योगदान दिने खेलाडी बनेका छन्। उनले अर्जेन्टिनाका लागि विश्वकप र कोपा अमेरिकामा कुल ५४ गोलका लागि योगदान दिएका छन्। जसमा २६ गोल गर २८ असिस्ट छ।
मेसी फुबटल इतिहासमे सर्वाधिक असिस्ट गर्ने खेलाडी पनि हुन्। क्लब र अन्तर्राष्ट्रिय फुटबलमा उनले कुल ३७३ असिस्ट गरेका छन्।
यस्तै, मेसी कोपा अमेरिकाको ७ संस्करणमा कम्तिमा १ असिस्ट गर्ने एकमात्र खेलाडी हुन्।