एसियाली खेलकुदमा नेपाललाई रजत पदक जिताएकी एरिका गुरुङ र नेपाली क्रिकेट टोलीका पूर्वकप्तान विनोद दासलाई सम्मान गरिएको छ । लायन्स क्लब इन्टरनेसनल डिस्ट्रिक ३२५ डी लायन्स क्लब अफ काठमाडौं कर्पोरेट नेपालले एरिका र विनोदलाई सम्मान गरेको हो ।
लायन्सद्वारा आयोजित चौथो वर्षको अवार्डमा खेलकुदबाट एरिका र विनोद सम्मानित भएका हुन्। एरिकालाई सोसल प्लेयर अवार्ड र विनोदलाई स्पोर्ट्स म्यानेजमेन्ट अवार्ड प्रदान गरिएको थियो । विनोद हाल नेपाल क्रिकेट संघमा म्यानेजरको रूपमा कार्यरत छन्।
सिल्क ग्रुपअन्तर्गत सिल्क ट्रान्सपोर्टले प्रायोजन गरेको निउ स्पोर्ट्स इलेक्ट्रिक स्कुटर एरिकालाई प्रदान गरिएको थियो। सिल्क ग्रुपका प्रमुख रमेश शेर्पा, नेपाल उद्योग वाणिज्य संघका अध्यक्ष चन्द्र ढकाल, डिस्ट्रिक गर्भनर सुरेन्द्रप्रकाश बलाय, लायन्सका डिस्ट्रिक जीएमटी लिडर किशोर भट्टराईले इरिकालाई स्कुटरको साँचो हस्तान्तरण गरे।
लायन्सले खेलकुदबाहेक अन्य विधामा व्यक्तिलाई पनि सम्मान प्रदान गरेको थियो।