इंग्लिस प्रिमियर लिगमा आर्सनलले लगातार दोस्रो जित निकालेको छ। शनिबार राति भएको खेलमा आर्सनलले एस्टन भिल्लालाई २–० ले हरायो।
आर्सनलको जितमा लियोनार्दो ट्रोसान्ड र थोमस पार्टेले गोल गरे।
पहिलो हाफ गोलरहित बराबरीमा सकिएको खेलमा आर्सनलले ६७औं मिनेटमा अग्रता लियो। ट्रोसान्डले गोल गरेका थिए। उनले मैदान प्रवेश गरेपछि पहिलो टचमै गोल गरे।
त्यसको १० मिनेटपछि पार्टेले आर्सनलको अग्रता दोब्बर बनाए। त्यसपछि थप गोल नहुँदा आर्सनल विजयी भयो।
यस्तै अर्को खेलमा टोटनहमले सानदार जित निकाल्यो। एसले एभर्टनलाई ४–० ले हरायो । उसका लागि कप्तान सन ह्युङ मिनले २ गोल गरे भने एभेस विसोउमा र क्रिष्टियन रोमेरोले पनि गोल गरे।
१४औं मिनेटमा विसोउमाले गोल गर्दै टोटनमहलाई अग्रता दिलाए। २५औं मिनेटमा सनले गोल गर्दै अग्रता दोब्बर बनाए। पहिलो हाफमा २ गोल गरेको टोटनह्यामले दोस्रो हाफमा अरु २ गोल थपेको थियो।
७१औं मिनेटमा रोमेरोले गोल गरेपछि टोटनहम फराकिलो जित तर्फ अग्रसर भयो। ७७ औं मिनेटमा सनले व्यक्तिगत दोस्रो गोल गरेपछि टोटनहम ४–०ले विजयी भयो ।
अन्य खेलमा नटिङहम फरेस्टले साउथ ह्याम्पटनलाई १–०ले हराउँदा वेस्टह्यामले क्रिस्टल प्यालेसमाथि २–०को जित निकाल्यो।