भुटानमा आज सकिएको यू–१७ साफ च्याम्पियनसिपमा नेपाली स्ट्राइकर सुजन डंगोलले गोल्डेन बुट जितेका छन्।
प्रतियोतिगामा नेपाल समूह चरणबाटै बाहिरिए पनि ४ गोल गरेका सुजन प्रतियोगिताको सर्वाधिक गोलकर्ता बन्दै गोल्डेन बुट जितेका हुन्।
सुजनले समूह चरणमा श्रीलंकाविरुद्ध ह्याट्रिक र भुटानविरुद्ध १ गोल गरेका थिए।
यस्तै, भारतका मोहम्मद अर्वास प्रतियोगिताकै सर्वोत्कृष्ट खेलाडी बने। भातरलाई उपाधि दिलाउन उनको भूमिका महत्वपूर्ण थियो।
भारतकै सुरजसिंह ऐबाम उत्कृष्ट गोलकिपर बने। भुटानले फेयर प्ले अवार्ड पायो।