काठमाडौंमा जारी महिला साफ च्याम्पियनसिप अन्तर्गत आजदेखि सेमिफाइनल चरणका खेलहरु हुँदैछन्।
सेमिफाइनलमा आइतबार बंगलादेश र भुटान तथा नेपाल र भारतबीच प्रतिस्पर्धा हुने भएको छ।
दशरथ रंगशालामा नेपाल र भारतबीचको खेल साँझ साढे ६ बजे हुनेछ।
समूह चरणमा एक गोल पनि नखाई सेमिफाइनलमा पुगेको नेपालको असरी परीक्षा आज हुनेछ। भारत पाँच पटकको च्याम्पियन हो भने नेपालले अहिलेसम्म उपाधि जित्न सकेको छैन।
त्यसैले भारतलाई हराउँदै फाइनल पुग्नु नेपालका लागि कठीन हुनेछ। यो नेपालको भारतसँगको छैठौं भेट हो। जसमध्ये नेपालले १ खेल मात्र जितेको छ। त्यो सन् २०२२को सेमिफाइनलमा थियो।
नेपालले समूह विजेता बन्दै सेमिफाइनलमा भारतसँगको भेट पक्का गरेको थियो। भारत समूहमा उपवजेता बनेको थियो । नेपालले २ जित १ बराबरी खेलेको थियो भने भारत १ जित र १ हारको सामाना गरेको थियो।
सेमिफाइनल पुग्ने टिममध्ये नेपालमा मात्र अपराजित टिम हो। त्यसैले पनि नेपाल केही उत्साहित छ। नेपालले समूह रचणमा १७ गोल गर्दा एक गोल पनि खाएको छैन।
सेमिफाइनलअघि नेपाली टिमका मुख्य प्रशिक्षक राजेन्द्र तामाङले भारत बलियो टिम भएको बताउँदै बल नियन्त्रणमा लिएर टिम खेल्नुपर्ने बताए। नेपालकी मुख्य स्ट्रकाइर सावित्रा भण्डारीलाई भारत सजिलै खेल्न नदिने आँकलन उनको छ। त्यसको फाइलदा अरु खेलाडीले लिनुपर्ने उनले बताए।