इंग्लिस लेग स्पिनर नाथन सोटरले पहिलो संस्करणको नेपाल प्रिमियर लिग (एनपिएल) खेल्ने भएका छन्। इंग्ल्यान्डको घरलु क्रिकेटमा आफूलाई स्थापित गरेका सोटरलाई काठमाडौं गुर्खाजले अनुबन्धन गरेको हो।
टी–२० ब्लास्ट सहित इंग्लिस घरेलु क्रिकेटमा राम्रो प्रदर्शन गर्दै आएका सोटरले आफ्नो किफायती बलिङमार्फत खेल नै परिवर्तन गर्न सक्ने क्षमता राख्छन् ।
टिमका सीईओ सन्देश कटवालले सोटरको आगमनले टोलीको अनुभवको स्तरलाई अझ बढ्ने बताए।
सोटरले नेपाल आएर क्रिकेट खेल्न आफू उत्साहित रहेको बताए। उनले काठमाडौंमा जोडिनु सम्मान कुरा भएको बताउँदै नेपाली फ्यानको अगाडि प्रदर्शन गर्न उत्साहित रहेको बताएका छन्।
३२ वर्षीय सोटरले द हन्ड्रेड, इन्टरनेशनल लिग टि–२०, भाइटालिटी ब्लास्ट, क्यारेबियन प्रिमियर लिगजस्ता प्रतियोगिता खेलिसकेका छन्। उनले १४३ टि–२० खेलमा १५४ विकेट लिएका छन्। उ
सोटर काठमाडौंले अनुबन्ध गरेको पाँचौं विदेशी खेलाडी हुन्। यसअघि काठमाडौंले इंग्ल्यान्डकै स्टेफन इस्किनाजी र डान डौथवेटलाई टोलीमा अनुबन्ध गर्दा नेदरल्याण्ड्सका माइकल लेभिट र नामिबियाका जेरार्ड इरास्मसलाई टोलीमा भित्र्याएको थियो।
काठमाडौंका अन्य खेलाडीमा मार्की करण केसीसहित भिम शार्की, शाहब आलम, रासिद खान, दिपेश कँडेल, कृष्ण कार्की, सुमित महर्जन, शंकर राना, राजु रिजाल, प्रतिक श्रेष्ठ, विवेक केसी छन्।