एनपिएलको दोस्रो खेलमा पनि विराटनगर किंग्सले खराब प्रदर्शन गरेको छ। अहिले कीर्तिपुरस्थित टियू मैदानमा जारी खेलमा सुदूरपश्चिम रोयल्सविरुद्ध १८३ रनको विशाल लक्ष्य पछ्याएको विराटनगरले १३ ओभरमा ८ विकेटको क्षतिमा ६७ रनज बनाएको छ।
विराटनगरको टप र मिडल अर्डर कोल्याप्स भएपछि ऊ हार नजिक पुगेको हो। उसका बासिर अहमदले २४ र राजेश पुलामीले १५ रन बनाउनु बाहेक अन्यले दोहोरोअंकमा स्कोर बनाउन सकेनन्।
उसका आशा गरिएको ब्याट्सम्यान मार्टिन गप्टिल गोल्डेन डकआउट भए। अघिल्लो खेलमा उनले अर्धशतक बनाएका थिए। लोकेश बम २, निकालोश किर्टन ५, इस्म आलम ६, दीपक बोहरा २, प्रतिश जिशी १ नरनमै आउट भए।
विराटनगरलाई दबाबमा राख्ने क्रममा स्कट कुगेलेजिनले ३ विकेट लिए भने अविनाश बोहराले २ विकेट लिए।
त्यसअघि पहिला ब्याटिङ गरेको सुदूरपश्चिमले दीपेन्द्रसिंह ऐरीको अर्धशतक मद्दतमा १८२ रनको ठूलो योगफल बनाएको थियो। दीपेन्द्रले २४ बलमा ३ चौका र ५ छक्का मद्दतमा ५७ रन बनाएका थिए।