नेपाल प्रियिमर लिगको आफ्नो दोस्रो खेलमा लुम्बिनी लायन्सले टस जितेर ब्याटिङ गर्ने निर्णय गरेको छ।
यसअघि विराटनगरविरुद्ध खेलेको टिममा लुम्बिनीले २ परिवर्तन गरेको छ। उसले पहिलो खेलमा टिममा रहेका बेन कटिङ र अर्जुन साउदलाई बाहिर राखेको छ। उसले भारतीय मुलका अमेरिकी विकेटकिपर उन्मुक्त चन्द र दिनेश अधिकारीलाई टिममा राखेको छ।
यता, पोखराले जनकपुरविरुद्ध खेलेकै टिमलाई निरन्तरता दिएको छ।
दुवै टिम प्रतियोगितामा पहिलो जितको खोजीमा छन्।