यसैसाता पाँचथरमा सम्पन्न फाल्गुनन्द गोल्डकप सकिएको छ। ए डिभिजनका ४ क्लबसहित १० क्लबसहभागी प्रतियोगिताको उपाधि ए डिभिजन लिग च्याम्पिय चर्च बोइजले जित्यो।
फिदिम र्स्पोटिङ क्लबको आयोजना भएको प्रतियोगितामा टिकट बिक्रीबाट मात्रै झण्डै २७ लाख रुपैयाँ उठेको छ। ६ वर्षपछि भएको प्रतियोगिताबाट २६ लाख ६८ हजार ५० रुपैयाँ संकलन भएको आयोजक फिदिम र्स्पोटिङ क्लबले जनाएको छ।
आयोजकका अनुसार उद्घाटन खेलमा २ लाख २४ हजार ६ सय ९० रुपैयाँको टिकट बिक्री भएको थियो भने दुई सेमिफाइनलमा ६ लाख १९ हजार ४ सय रुपैयाँ टिकटबाट उठेको थियो।
यस्तै,चर्च बोइज र मछिन्द्र क्लबबीचको फाइनलमा १० लाख ८९ हजार ८ सय ५० संकलन भएको थियो।
प्रतियोगिताका लागि टिकट दर ३ सय रुपैयाँ निर्धारण गरिएको थियो।
प्रतियोगिताको विजेता चर्च ब्वाबोइजले १० लाख र उपविजेताले मच्छिन्द्रले ५ लाख प्राप्त गरेका थिए।