पहिलो संस्करणको नेपाल कबड्डी लिग (एनकेएल)मा जनकपुर नाइट्स र काठमाडौं माभरिक्स विजयी भएका छन्।
लिगमा एक्लो अपराजित टिम जनकपुरको यो लगातार चौथो जित हो र काठमाडौंको तेस्रो जित निकाले।
बिहीबार त्रिपुरेश्वरस्थित दशरथ रंगशालाको कभर्डहलमा भएको खेलमा जनकपुरले पोखरा लेकर्सलाई ३६-२९ ले हरायो।
लगातार चार जितपछि २० अंक जोडेर जनकपुर शीर्ष स्थानमा फर्किएको हो। चार खेल खेल्दा चारै खेलमा पराजित भएको पोखरा ४ अंक मात्र जोडेर पुछारमा छ।
बिहीबार नै भएको खेलमा काठमाडौंले धनगढी वाइल्डक्याट्सलाई ५१-३६ ले हरायो।
यो जितपछि काठमाडौं १६ अंकसहित दोस्रो स्थानमा छ । तेस्रो हार व्यहोरेको धनगढी ४ खेलबाट ६ अंकसहित चौथो स्थानमा छ।