नेपालले कटायो १ सय रन

विश्वकप क्रिकेट लिग २ को पहिलो त्रिकोणात्मक सिरिजको पहिलो खेलमा नेपालले १ सय रन पुरा गरेको छ । कीर्तिपुरस्थित टियू मैदानमा जारी खेलमा ओमान विरुद्ध १९८ रनको मध्यम लक्ष्य पछ्याएको नेपालले २९औं ओभरमा १ सय रन पुरा गरेको हो ।

१९८ रनको लक्ष्य पछ्याएको नेपालले खराब ब्याटिङ गरेको छ । अहिले क्रिजमा शरद भेषावकर र विनोद भण्डारी छन् । शरद ४० र विनोद २५ रन बनाएर खेलिरहेका छन् ।

नेपालका लागि दीपेन्द्रसिंह ऐरीले ३२ रन बनाए । यस्तै शरद ३५ रन बनाए खेलिरहेका छन् । सुरुवातमै दुवै ओपनर गुमाउँदा नेपाल दबाबमा परेको थियो । ज्ञानेन्द्र मल्ल १ र पारस खड्का ३ रनमा आउट भए ।

त्यसपछि दीपेन्द्र र शरदले नेपालको इनि उकासेका थिए । यी दुईले तेस्रो विकेटका लागि ६२ रनको साझेदारी गरेका थिए । तर, लगत्तै दीपेन्द्र, आरिफ सेख र रोहितकुमार पौडल आउट भएपछि नेपाल दबाबमा परेको थियो ।

ओमानका कप्तान जिसन मक्सुदले २ विकेट लिए ।

Facebook Comments Box

Leave a Reply

Your email address will not be published.