क्रिकेट म्यानेजर दास भन्छन्– ओमान भ्रणममा टिममा खेलाडी थपिन सक्छन्

Read Time:2 Minute

टि–२० विश्वकपको ग्लोबल छनोट र चार टिम सम्मिलित टि–२० सिरिजका लागि नेपाली टिम यसै साता ओमान प्रस्थान गर्दैछ। नेपाली टिमले कीर्तिपुर स्थित टियू मैदानमा अन्तिम दिनको अभ्यास पनि गरिसकेको छ।

ओमान भ्रमणका लागि मुख्य प्रशिक्षक पुबुदु दासानायकेले सन्दीप लामिछानेको कप्तानीमा १६ सदस्यीय टिम घोषणा गरेका थिए । भ्रमणका लागि १६ सदस्यीय टिम घोषणा गरिएपनि केही खेलाडी थप हुने सम्भावना रहेको बताइन्छ।

नेपाल क्रिकेट संघ (क्यान)का क्रिकेट म्यानेजर विनोद दासले कोरोनाका कारण टिम खेलाडी थप्ने बारेमा छलफल भइहेको बताए । तर, टुंगो भने नलागिसकेको उनले बताए ।

ग्लोबल क्लालिफायरअघि नेपालले आयरल्यान्ड, ओमान र युएईसँग सिरिज खेल्ने पक्का छ। सिरिज ओमानमा माघ २८ देखि फागुन २ गतेसम्म हुनेछ।

नेपालले पहिलो खेल माघ २८ मा ओमान, दोस्रो खेल माघ २९ मा युएई र तेस्रो खेल फागुन २ मा आयरल्यान्डसँग खेल्नेछ। सिरिजका सबै खेलले टि९२० अन्तर्राष्ट्रियको मान्यता पाउने छ।

ग्लोबल छनोटमा नेपाल, आयरल्यान्ड, आमोन र युएई एउटै समूहमा छन् । यी चार टिमसँगै समूह एमा बहराइन, जर्मन, क्यानडा र फिलिपिनस पनि छन् । समूह एका ८ टिमलाई पनि २ समूहमा विभाजन गरिएको छ ।

जसमा नेपाल समूह २मा छ । यो समूहमा ओमान, क्यानडा र फिलिपिन्स छन्। यता, समूह १मा आयरल्यान्ड, युएई, जर्मनी र बहराइन छन्। यी दुवै समूहका शीर्ष दुई टिम सेमिफाइनल पुग्ने छन् । र, सेमिफाइनलमा विजयी हुने दुई टिमले अस्ट्रेलियामा हुने विश्वपक खेल्न पाउने छन्।

क्यालिफायरको समूह एको खेल ओमान र समूह बीको खेल जिम्बाबेमा आयोजना हुने छ । छनोटमा नेपालले फागुन ६ मा ओमान, फागुन ७ मा फिलिपिन्स र फागुन ९ मा क्यानडासँग खेल्नेछ।

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post टिम छान्न एनएसएलको अक्सन शुक्रबार
Next post भारत बन्यो १ हजार एकदिवसीय खेल्ने पहिलो टिम
Close