प्रशिक्षणमा सहभागी पाँच फुटबलरमा कोरोना संक्रमण

बंगलादेशविरुद्धको मैत्रीपूर्ण फुटबलका लागि बन्द प्रशिक्षणमा बोलाइएका नेपाली राष्ट्रिय फुटबल टिमका पाँच जना खेलाडीमा कोरोना संक्रमण देखिएको छ । बिहीबारदेखि सुरु भएको बन्द प्रशिक्षणअघि गरिएको परीक्षणमा पाँच जना फुटबरमा कोरोना संक्रमण पुष्टि भएको छ ।

अखिल नेपाल फुटबल संघ (एन्फा)ले बिहिबार साँझ प्राप्त रिपोर्टमा राष्ट्रिय फुटबल टिमका थप एकसहित ५ जनामा कोरोना पुष्टि भएको जनाएको छ । उनीहरुको नाम भने गोप्य राखिएको छ । बिहीकार अपरान्ह ४ जनामा कोरोना संक्रमण देखिएको थियो ।

बंगलादेशविरुद्धको मैत्रीपूर्ण खेलका लागि एन्फाले ३४ खेलाडीलाई प्रारम्भिक प्रशिक्षणमा बोलाएको थियो । एन्फाले बुधबारसम्म सम्पूर्ण खेलाडीलाई काठमाडौंमा उपस्थित हुन आग्रह गरेको थियो । काठमाडौं आउने बित्तिकै एन्फाले खेलाडीको कोरोना परिक्षण गराएको थियो ।

नेपाले बंगलदेशमा कात्तिक २८ र मंसिर २ गते दुई मैत्रीपूर्ण खेल खेल्दैछ ।

Facebook Comments Box

Leave a Reply

Your email address will not be published.