सबै खेल 
इन्डियन प्रिमियर लिग (आईपिएल)मा मुम्बई इन्डियन्सले लागातार तेस्रो हार व्यहोरेको छ। सोमबार राति घरेलु मैदान वानखडेमा भको खेलमा मुम्बई राजस्थान रोयल्ससँग ६ विकेटले पराजित भयो।
मुम्बईले लागतार तेस्रो हार व्यहोर्दा राजस्थानको भने यो लागतार तेस्रो जित हो।
मुम्बईले दिएको १२६ रनको झिनो लक्ष्य राजस्थानले १५.३ ओभरमा ४ विकेटको क्षतिमा भेट्टायो। उसका लागि रियान परागले ३९ बलमा ५ चौका र ३ छक्का मद्दतमा ५४ रन बनाए। यस्तै, रविचन्द्र आविश्वनले १६, जोश बट्लरले १३ रसन्जु सामसनले १२ रनको योगदान दिए।
बलिङमा मुम्बईमा आकाश मधवालले ३ तथा क्वेना मापाकाले १ विकेट लिए।
त्यसअघि पहिला ब्याटिङ गरेको मुम्बईले निर्धारित ओभरमा ९ विकेटको क्षतिमा १२५ रन मात्र बनाउन सक्यो। वानखडेमा मुम्बईको यो अहिलेसम्मकै कम योगफल हो। उसका लागि कप्तान हार्दिक पाण्ड्याले सर्वाधिक ३४ रन बनाए। उनले २१ बलमा ६ चौका प्रहार गरे।
यस्तै, तिलक बर्माले २९ बलमा २ छक्का प्रहार गर्दै ३२ रन बनाउँदा टिम डेविडले १७ र इशान किशानले १६ रन बनाए। उसका रोहित शर्मा, नमन धिर र डेविस ब्रेविस गोल्डेन डक भएका थिए।
मुम्बईलाई सस्तैमा समेट्ने क्रममा ट्रेन्ट बोल्टले ४ ओभरमा २२ रन खर्चेर ३ विकेट लिए भने युजभन्द्र चहलले ४ ओभरमा ११ रन खर्चेर ३ विकेट लिए। यस्तै, नान्द्रे बर्गरले २ विकेट लिए।
