२४ वर्षका विदर्भका तेज गेंदबाज प्रफुल हिंगेले IPL करिअरको पहिलो ओभरमै कमाल गरे। सनराइजर्स हैदराबादको जर्सीमा डेब्यू गर्दै उनले राजस्थान रोयल्सविरुद्ध पहिलो ओभरमा तीन विकेट लिए — वैभव सूर्यवंशी, ध्रुव जुरेल र ल्हान्द्रे प्रिटोरियस।
IPL इतिहासमै पहिलो ओभरमा तीन विकेट लिने पहिलो गेंदबाज बने प्रफुल हिंगे। दोस्रो ओभरमा कप्तान रियान परागलाई पनि आउट गरेपछि उनको स्पेल रह्य- ३ ओभरमा १८ रन खर्चेर ४ विकेट। १३ डट बलसहित उनले प्लेयर अफ द म्याच अवार्ड जिते।
“मैले यो सपना देखेको थिएँ। गत वर्ष नै कतै लेखेको थिएँ — मेरो पहिलो IPL म्याचमा ४ वा ५ विकेट लिन्छु। पावरप्लेमा जति सकिन्छ डोमिनेट गर्न चाहन्थेँ,” म्याचपछि प्रफुलले भने।
१३ वर्षको उमेरमा क्रिकेट सुरु
प्रफुलले १३ वर्षको उमेरमा मात्र क्रिकेट सुरु गरेका थिए। सुरुमा लेदर बल भनेको के हो भन्ने पनि थाहा थिएन। बाबुलाई क्लबमा भर्ना गर्न लगाएपछि मात्र उनको क्रिकेट यात्रा सुरु भयो।
“यो अवार्ड मेरो परिवारलाई समर्पित छ,” उनले भने।
सबैभन्दा खुसी वैभव सूर्यवंशीको विकेट लिएपछि भएको उनले बताए। “मैले केही साथीहरूलाई भनेको थिएँ — म सूर्यवंशीको विकेट बाउन्सरबाट लिन्छु। पहिलो बलमै आउट गर्ने योजना थियो।”
बुमराह होइन, कमिन्स र उमेश यादव आइडल
प्रफुलले पट कमिन्सलाई आफ्नो आइडल मान्छन्। सनराइजर्स हैदराबादको कप्तान कमिन्ससँगै ड्रेसिङ रुम शेयर गर्न पाउँदा उनी खुसी छन्। विदर्भका सिनियर उमेश यादवसँग पनि उनले T20 डेब्यूमा ओपनिङ बलिङ गरेका थिए।
सानो उपलब्धिबाट ठूलो यात्रा
प्रफुलले अक्टोबर २०२४ मा विदर्भका लागि प्रथम श्रेणी डेब्यू गरेका थिए। रञ्जी ट्रफीमा ११ इनिङ्समा १६ विकेट लिए। सैयद मुश्ताक अली ट्रफीमा एक मात्र T20 खेलमा १/२३ को प्रदर्शन गरेका थिए।
विदर्भ प्रो T20 लिगको पहिलो संस्करणमा उनले नेको मास्टर ब्लास्टर्सको उपाधि जित्न महत्वपूर्ण भूमिका खेले।
छोटो शरीर, लामो प्रभाव
लामो कद र छिटो गतिका कारण प्रफुल ‘निप्पी’ पेसरको रूपमा चिनिन्छन्। उनले १० प्रथम श्रेणी खेलमा २७ विकेट र ६ लिस्ट ए खेलमा ५ विकेट लिएका छन्।
प्रफुल हिंगे अहिले IPL मा सबैको नजरमा छन्। डेब्यूमै ट्रिपल विकेट ओभर लिएर उनले प्रमाणित गरे— सपना सानो होस् वा ठूलो, मेहनत र विश्वासले सबै सम्भव हुन्छ।