भारतमा भएको स्केटबोर्ड च्याम्पियनसिपमा नेपालका दुई खेलाडीले स्वर्ण जितेका छन्। नेपालका शरद राई र बसन्त राईले भारतमा भएको जुगाड खुला स्केटबोर्ड च्याम्पियनसिपमा स्वर्ण जितेका हुन्।
भारतको बैंगालुरुमा भएको प्रतियोगितामा शरद्ले गेम अफ स्केट तथा बसन्तले वेस्ट रनमा स्वर्ण जितेको नेपाल स्केटिङ तथा स्केट बोर्डिङ संघका अध्यक्ष अच्युत खनालले जनाएका छन् । बसन्तले दोहारो पदक जित्ने क्रममा गेम अफ स्केटमा पनि रजत जिते ।
नेपालकै गजेन्द्र वर्देवा ‘प्लेयर अफ द टुर्नामेन्ट’ घोषित भएको अध्यक्ष खनालले जानकारी गराए।
भारतीय स्केटबोर्ड महासंघले आयोजना गरेको तीनदिने प्रतियोगितामा तीनै खेलाडीले नगद पुरस्कारसहित स्केट सामाग्री पुरस्कार स्वरुप प्राप्त गरे ।