पूर्वक्रिकेटर फारुख अहमद बंगलादेश क्रिकेट बोर्ड (बीसीबी)को अध्यक्ष बनेका छन्।
नजमुल हसनले बुधबार मात्रै अध्यक्षबाट राजीनामा दिएका थिए। लगत्तै अहमदलाई अध्यक्ष नियुक्त गरिएको हो। उनको कार्यकाल ४ वर्षको हुनेछ।
अहमदले बंगलादेशका लागि सन् १९८८ देखि १९९९ सम्म ७ वटा एकदिवसीय खेल खेलेका थिए। उनले १९९४ मा आइसीसी ट्रफीमा बंगलादेशको नेतृत्व सम्हालेका थिए।
यस्तै, अहमद र नज्मुल अबेदिन फहिमलाई नेशनल स्पोर्टस् काउन्सिलको निर्देशकमा नियुक्त गरिएको छ। उनीहरुलाई जलाल युनिस र अहमद सज्जादुल अलामको स्थानमा निर्देशक नियुक्त गरिएको हो।