मोफसलकै चर्चित अन्तर्राष्ट्रिय आमन्त्रण बुढासुब्बा गोल्डकपको २५औं संस्करण आगामी माघमा हुने भएको छ।
सोमबार आयोजित पत्रकार सम्मेलनमा आगामी माघ १९ गतेदेखि २६ गतेसम्म प्रतियागिता आयोजना हुने धरान फुटबल क्लबका अध्यक्ष प्रताप तामाङ्ले जानकारी दिए ।
धरान रंगशालामा हुने प्रतियोगितामा १० वटा क्लबको सहभागी रहनेछ।
प्रतियोगितामा एडिभिजन क्लबहरू एनआरटी क्लब काठमाडौं,चर्च ब्वाइज क्लब, नेपाल पुलिस क्लब, त्रिभुवन आर्मी क्लब र मच्छिन्द्र क्लबसँगै भुटान फुटबल एकाडेमी, युके एफसि भारत, इटहरी जागृती क्लब, काँकडभिट्टा फुटबल ट्रेनिङ सेन्टर झापा र धरान फुटबल क्लबको सहभागीता रहने आयोजकले जनाएको छ।
प्रतियोगिताको विजेताले ट्रफीसहित १० लाख र उपविजेताले नगद पाँच लाख पुरस्कार पाउने छन्। यस्तै, उत्कृष्ट खेलाडीले नगद एक लाख, सर्वाधिक गोलकर्ताले ३५ हजार, उत्कृष्ट गोलरक्षक, उत्कृष्ट डिफन्स, उत्कृष्ट मि फिल्डर, उत्कृष्ट स्ट्राइकर, उत्कृष्ट प्रशिक्षकले जनही २५ हजार पुरस्कार पाउने छन्।
प्रतियोगिता ८० लाख १० हजार खर्च हुने अनुमान गरिएको छ भने एक करोड दुई लाख २५ हजार आम्दानी हुने लक्ष्य राखिएको छ।
माघ १९ गते हुने उद्घाटन खेलमा डिफेन्डिङ च्याम्पियन एनआरटी क्लब र मोरङ जिल्ला फुटबल संघ भीड्ने छन्।