सबै खेल 
अस्ट्रेलियाविरुद्धको टि–२० सिरिज भारतले जितेको छ। राजयपुरमा भएको चौथो खेलमा अस्ट्रेलियालाई २० रनले अराउँदै भारतले सिरिज एक खेल अगावै जितेको हो।
त्यसअघि भारतले पहिलो र दोस्रो खेल जितेको थियो भने तेस्रो खेल अस्ट्रेलियाले जितेको थियो। ५ खेलको सिरिजमा भारतले ३–१को अग्रता लिएको छ।
रायपुरमा १७५ रनको लक्ष्य पछ्याएको अस्ट्रेलियाले निर्धारित ओभरमा ७ विकेटको क्षतिमा १५४ रन मात्र बनाउन सक्यो । उसका लागि कप्तान म्याथ्यु वेडले सर्वाधिक ३६ रन बनाए। उनले २३ बलमा समान २ चौका र छक्का प्रहार गरे। यस्तै, ओपनर ट्राभिस हेडले १६ बलमा ५ चौका र १ छक्का मद्दतमा ३१ बनाउँदा म्याथ्यु सर्टले २२ रन बनाए।
अस्ट्रेलियालाई यस्तैमा रोक्ने क्रममा भारतका अक्षर पटेलले घातक बलिङ गरे। उनले ४ ओभरमा ४ ओभरमा १६ रन मात्र खर्चेर ३ विकेट लिए। दीपक चहरले २, रवि विस्नोइ र आभेश खानले समान १ विकेट लिए।
त्यसअघि पहिला ब्याटिङ गरेको भारतले ९ विकेटको क्षतिमा १७४ रन बनायो। भारतका रिंकु सिंहले सर्वाधिक ४६ रन बनाए। उनले २९ बलमा ४ चौका र २ छक्का प्रहार गरे। यस्तै, यशस्वी जैसवालले २८ बलमा ३७ रन बनाउँदा जितेश शर्माले १९ बलमा ३५ र रुतुराज गायकवाडले २८ बलमा ३२ रन बनाए।
अस्ट्रेलियाका वेन ड्वारसिसले ३ तथा जासन बेरोनडोफ र तनवीर सांगाले समान २ विकेट लिए।
