सबै खेल 
दोस्रो तथा अन्तिम टेस्ट क्रिकेटमा भारतका तीव्र गतिका बलर मोहमद सिराज चम्किएपछि घरेलु टोली दक्षिण अफ्रिका ५५ रनमै अलआउट भएको छ।
सिराजले ६ विकेट लिएपछि टस जितेर पहिला ब्याटिङ गरेको दक्षिण अफ्रिका २३.२ ओभरमा मात्र ५५ रनमै समेटियो।
उसका लागि कायल भेरेनले १५ रन र डेभिड बेन्डिघमले १२ रन जोडे बनाए भने अन्य ब्याट्सम्यानले दोहोरो अंकमा रन जोड्न सकेनन्।
दक्षिण अफ्रिकाविरुद्ध घातक बलिङ गरेका सिराजले उनले ९ ओभरमा ३ मेडनसहित राख्दा १५ रन खर्चिएर ६ विकेट लिए। यस्तै, जसप्रित बुमराह र मुकेस कुमारले समान २ विकेट लिए।
ताजा अवस्थामा भारत ४ विकेटको क्षतिमा १३८ रन बनाएर खेलिरहेको छ। उसका विराट कोहली र केएल राहुल क्रिजमा छन्।
