क्यानले महिलाको टी–२० र एकदिवसीय सिरिज तथा पुरुषको एकदिवसीय सिरिज आयोजन गर्ने

नेपाल क्रिकेट संघ (क्यान) नेपाली राष्ट्रिय महिला क्रिकेट टिम भारतको उत्तराखण्ड महिला क्रिकेट टिमसँग टी–२० र एकदिवसीय सिरिज आयोजना गर्ने भएको छ। यस्तै, क्यानले पुरुष टिमक लागि नामिबियासँग एकदिवसीय सिरिज पनि आयोजना गर्ने भएको छ ।

क्यानको को शनिबार बसेको बैठकले आगामीअप्रिल तेस्रो हप्तादेखि नेपाली महिला राष्ट्रिय क्रिकेट टिम र उत्तराखण्ड महिला क्रिकेट टिम, भारत बीच टी–२० र एकदिवसीय सिरिज र मेमा नामिबियासँग एकदिवसीय सिरिज गर्ने निर्णय गरेको हो।

तर सिरिज कहाँ हुने र कहिले हुने भन्ने निश्चित मिति तोकिएको छैन। टियू मैदानमा हुने त्रिकोणात्मक सिरिज पछि महिला टिमको सिरिज हुने सम्भावना छ ।

यसैगरी क्यानले महिला राष्ट्रिय क्रिकेट टिमको मुख्य प्रशिक्षकमा जगत टमाटालाई नियुक्त गरेको छ। नेपालको पुरुष टिमलाई एक दिवसीय मान्यता दिलाउँदा प्रशिक्षक टमाटाले यसअघि पनि महिला टिमको प्रशिक्षक रहेर काम गरिसकेका छन् ।

यस्तै क्यान बैठकले महिला र पुरुष क्रिकेट खेलाडीको १८–१८ जनालाई २०२१ को लागि सेन्ट्रल कन्ट्रयाक्टमा राख्ने तयारी गरेको छ । त्यसका लागि आगामी १५ मे सम्म बोर्डलाई खेलाडीहरु छनोट गर्दै प्रतिवेदन पेस गर्न राजुबुबु श्रेष्ठ सन्जय राज सिंह र प्रशान्त विक्रम मल्ल गरी ३ सदस्यीय समिति गठन गर्ने निर्णय गरिएको छ । समितिले एक्सपर्टको रुपमा थप दुईजना सदस्यलाई सेन्ट्रल कन्ट्रयाक्ट छनोट गर्न आमन्त्रित गर्ने सक्ने जनाएको छ ।

Facebook Comments Box

Leave a Reply

Your email address will not be published.