तलबको माग गर्दै खेलाडीको हस्ताक्षरसहित क्यानले पठायो आईसिसीलाई पत्र

राष्ट्रिय टिमका क्रिकेट खेलाडीको तलबको मुत्तानी गर्न माग गर्दै नेपाल क्रिकेट संघ (क्यान)ले अन्तर्राष्ट्रिय क्रिकेट परिषद् ९आईसिसी०लाई पत्र पठाएको छ । लामो समयदेखि नेपाली क्रिकेटरले तलब नपाएको भन्दै क्यानले क्रिकेटरको हस्ताक्षरसहितको पत्र शुक्रबार पत्र पठाएको हो ।

क्यानको प्रतिबद्ध आईसिसीले सर्तसहित फुकुवा गरेकाले क्यानको सबै गतिविधिमा आईसिसीकै निर्देशनमा मात्र हुन् । क्रिकेटरलाई तलब दिने काममा आईसिसी आफैंले गर्दै आएको छ । नेपाली क्रिकेटरले सन् २०१९ देखि आफ्नो तलब पाएका छैनन् ।

क्यानका सचिव आसोकनाक प्याकुरेलले खेलाडीको हस्ताक्षरसहितको पत्र आईसिसीमा पठाएको बताए । ‘खेलाडीको तलब भुक्तानीको लागि आईसीसीलाई खेलाडीको हस्ताक्षरसहितको पत्र शुक्रबार पठाएका छौं । पत्रमा १५ खेलाडीले हस्ताक्षर गरेका छन् ।’ क्यानले काठमाडौंमै रहेका विभिन्न श्रेणीका १५ खेलाडीलाई हस्ताक्षर गराएको हो ।

आईसिसीले खेलाडीको तलब भुक्तानीका लागि खेलाडीको हस्ताक्षसहित पत्र पठाउने आग्रह गरेपछि क्यानले खेलाडीको हस्ताक्षर संकलन गरेर पत्र पठाएको हो । खाआईसिसीले दुई हप्ता भित्र खेलाडीको हस्ताक्षर पठाउन क्यानलाई आग्रह गरेको थियो । खेलाडीले अब केही दिनमे तलब पाउने क्यानले जनाएको छ ।

अहिले नेपाली क्रिकेटरलाई तीन श्रेणीमा वर्गिकरण गरिएको छ । क्यान निलम्बनमै रहेकबेला आईसिसले राखेप र कप्तान पारस खड्कासँगको छलफलमा खेलाडीलाईको वर्णीकरण गरेको थियो । क्यानले नयाँ वर्गीकरण गर्ने तयारी गरेपनि अहिलेसम्म हुन सकेको छैन । क्यानले खेलाडीको नयाँ वर्गिकरण चाडै निकाल्ने बताएको छ ।

वर्गीकरण अनुसार ए श्रेणीमा पारस खड्का, ज्ञानेन्द्र मल्ल, सोमपाल कामी, सन्दीप लामिछाने, शरद भेषवाकर, दीपेन्द्रसिंह ऐरी र बसन्त रेग्मी छन् भने बी श्रेणीमा आरिफ शेख, करण केसी, ललित भण्डारी, अनिलकुमार साह, रोहितकुमार पौडेल, ललितनारायण राजवंशी र शक्ति गौचन छन् । यस्तै, सी श्रेणीमा सुवास खकुरेल, सागर पुन, दिलीप नाथ, सुनील धमला, सुशन भारी, प्रदीप ऐरी र विनोद भण्डारी छन् ।

ए श्रेणीमा रहेका खेलाडीले मासिक ३५ हजार, बी श्रेणीमा रहेका खेलाडीले मासिक २५ हजार र सी श्रेणीमा रहेका खेलाडीले मासिक १५ हजार रुपैयाँ पाउने छन् ।

Leave a Reply

Your email address will not be published. Required fields are marked *