सबै खेल 
नेपाल क्रिकेट संघ (क्यान)ले केन्द्रीय उपाध्यक्ष रोशनकुमार सिंहसहित चारजनालाई स्पष्टीकरण सोध्ने भएको छ।
बिहीबार बसेको क्यानको बोर्ड बैठकले संघप्रति आधारहीन र नकारात्मक सन्देश फैल्याएको भन्दै उनीहरूलाई स्पष्टीकरण सोध्न निर्णय गरेको हो।
जसमा उपाध्यक्ष सिंहसहितथ , केन्द्रीय सदस्यद्वय माधवकुमार कर्माचार्य र दूर्गाराज पाठकसँगै सुनसरी जिल्ला क्रिकेट संघका अध्यक्ष चेतनाथ पौडेल छन्।
यस्तै, बैठकले आईसिसीबाट बजेट प्राप्त भएपछि सातै प्रदेशमा इन्डोर ट्रेनिङ सेन्टर र टर्फ विकेट निर्माण गर्ने निर्णय पनि गरेको छ।
टियू मैदानको पिच पुनर्निर्माण गरी स्तरोन्नति गर्ने, हाल सञ्चालनमा रहेको जिम हललाई व्यवस्थित गर्ने लगायतको निर्णय पनि गरेको छ।
