सबै खेल 
बागमती प्रदेश प्रधानमन्त्री कप एकदिवसीय क्रिकेटको शीर्ष स्थानमा उक्लिएको छ। सोमबार मुलपानी क्रिकेट मैदानमा भएको खेलमा कर्णाली प्रदेशमाथि ७ विकेटको सहज जित निकाल्दै बागमती शीर्ष स्थानमा उक्लिएको हो।
६ खेलमा बागमतीको यो चौथो जित हो। ऊ ८ अंकसहित शीर्ष स्थानमा छ। प्रतियोगितामा बागमती सुरुआती २ खेलका पुलिस र एपिएफसँग पराजित भएको थियो। उसले त्यसपछि लागातार ४ खेल जितेको छ। ३ खेलमा तीनै जित निकालेको सुदूरपश्चिम ६ अंकसहित दोस्रो स्थानमा छ। कर्णाली ५ खेलमा ४ अंकसहित सातौं स्थानमा छ।
पहिला ब्याटिङ गर्दै कर्णालीले दिएको ७९ रनको झिानो लक्ष्य बागमडीले १३ ओभरमा ३ विकेटको क्षतिमा भेट्टायो। उसका लागि इशान पाण्डेले ३६ बलमा समान ३ चौका र छक्का मद्दतमा ४० रन बनाउँदा रविन जोशीले १६ रन बनाए।
कर्णालीका दिवान पुनले ६ ओभरमा २९ रन खर्चेर ३ विकेट लिए।
त्यसअघि पहिला ब्याटिङ गरेको कर्णाली रिजन ढकालको घातक बलिङमा २४.२ ओभरमा ७८ रनमै अलआउट भयो। उसका अर्जुन घर्तीले सर्वाधिक २३ रन बनाए। उनले १९ बलमा ३ चौका र १ छक्का प्रहार गरे। यस्तै, निश्चल रावलले ४१ बलमा १३ रन बनाउँदा अन्य ब्याट्सम्यानले दोहारो अंकमा स्कोर बनाउन सकेनन्।
कर्णालीको इनिङ ध्वस्त बनाउने क्रममा रिजनले ७ ओभरमा १ मेडनसहित २५ रन खर्चेर ५ विकेट लिए। यस्तै, कृजन गुरुङले २ तथा प्रतिश जिसी, सूर्य तामाङ र विपिन आचार्यले समान १ विकेट लिए।
