सिपिएल खेल्न सन्दीप बिहीबार वेस्टइन्डिज जाने

क्यारेबियन प्रिमियर लिग (सिपिएल) खेल्नका लागि नेपाली युवा लेग स्पिनर सन्दीप लामिछाने बिहीबार वेस्टइन्डिज जाने भएका छन् । कोरोना भारइसका कारण हवाई उडान बन्द भएपछि सन्दीप चार्टर्ड उडान मार्फत वेस्टइन्डिजको ट्रिनिडाड एन्ड टोबागो जान लागेका हुन् ।

अन्तर्राष्ट्रिड उडान बन्द भएपछि सन्दीपको सिपिएल सहभागीता अन्योलमा परेको थियो । तर, युवा तथा खेलकुद मन्त्रालय र नागरिक उड्डयन प्राधिकरणको पहलमा सन्दीपले चार्टर्ड फ्लाइटमा सिपिएल खेल्न लागेका हुन् ।

तेस्रो पटक सिपिएल खेल्नका लागि सन्दीप बिहीबार अमेरिका हुँदै ट्रिनिडाड एण्ड टोबागो पुग्ने सन्दीपक व्यवस्थापक रमन सिवकोटीले जानकारी दिए । ‘सिपिएल आयोजकले अगस्त १ भित्र सम्पूर्ण विदेशी खेलाडीलाई ट्रिनिडाड आइपुग्न भनेको छ, सोही अनुसार सन्दीप चार्टर्ड फ्लाइटमा जाँदैछन्,’ शिवाकोटीले भने, ‘सन्दीप आइतबार ट्रिनिडाड पुग्ने छन् । त्यसपछि १४ आइसोलेसनमा बसेर कोरोना परीक्षण पछि टिममा सामेल हुने छन् ।’

प्रतियोगितामा सहभागिता जनाउन सन्दीप बिहीबार ट्रिनिडाड एन्ड टोबेगो प्रस्थान गर्न लागेको सन्दीपका व्यवस्थापक रमन सिवाकोटीले जानकारी गराए । सन्दीप अमेरिका हुँदै खेल स्थान जाने छन् ।

सिपिएल खेल्न जानका लागि सन्दीपले मंगलबार मात्र कोरोना परीक्षण गराएका थिए । स्टार हस्पिटलमा गरिएको कोरोना परीक्षण रिपोर्ट नेभगेटिभ आएको छ ।

सन्दीप सिपिएलका लागि जमैका तलैवासमा आवद्ध छन् । सन्दीपको यो सिपिएलमा तेस्रो सहभागीता हो । पहिलो सिजन सन्दीपले सेन्ट किट्स एण्ड नेभिस प्याट्रिओट्सबाट खेलेका थिए भने दोस्रो सिजनमा उनी बार्बादोस ट्राइडेन्समा आबद्ध थिए ।

जमैकाको नेतृत्व स्टार अलराउन्डर आन्द्रे रसेलले गर्ने छन् । जमैकामा रसेलको अलावा कार्लोस ब्रेथवेट, चेटविक वाल्टन, तब्रिज साम्सी, आसिफ अली ओसाने थोमसलगायत खेलाडी छन् । विश्वका सबै फ्रेन्चाइज लिगमा आफ्नो प्रभाव छाडिसकेका सन्दीप डेढ करोड रुपैयाँमा सिपिएलका जमैकामा आबद्ध भएका छन् ।

सिपिएल वेस्टइन्डिजका विभिन्न देशमा हुँदै आएको सिपिएल कोरोना भाइरसका कारण यो पटक ट्रिनिडाड एण्ड टोबागोमा मात्र हुने छ । प्रतियोतिगामा अगस्त १८ देखि सेप्टेम्बर १० सम्म हुने छ । सिपिएलमा जमैकासँगै साविक विजेता बार्बाडोस ट्राइडेन्ट्स, ट्रिनबागो नाइट राइडर्स, गुएना अमेजान वारियर्स, सेन्ट लुसिया जुक्स र सेन्ट किट्स एण्ड नेभिस प्याट्रिओट्सले प्रतिस्पर्धा गर्नेछन् ।

सन्दीपआबद्ध जमैकाको पहिलो खेल अगस्त १९ मा सेन्ट लुसिया जुक्ससँग खेल्ने छ भने दोस्रो खेल ट्रिनबागो नाइट राइडर्ससँग २० अगस्तमा खेल्ने छ ।

Leave a Reply

Your email address will not be published. Required fields are marked *