टि–२० विश्वकपको निर्णय अगस्त

कोरोना भाइरसका कारण विश्व खेलकुदका धेरै प्रतियोगिताहरू अहिले अन्योलमा परेका छन् । यसैवर्ष आयोजनाका लागि तय भएका ओलम्किप, युरोकप, कोपाा अमेरिकालगायतका कतिपय ठूला प्रतियोगिताहरू १ वर्ष पछि सारिसकिएको छ ।

आगामी अक्टोबरमा अस्ट्रेलियामा आयोजना हुने टि–२० विश्वकप पनि अन्योलमै छ । यही अन्योलबीच आईसिसीले प्रतियोगिता समयमै गर्ने या सार्ने भन्ने विषयमा अगस्तमा निर्णय गर्ने भएको छ ।

‘अहिले परिस्थित प्रतिकुल छ । अहिले सबैका लागि स्वास्थ्य नै पहिलो प्राथमिकतामा छ । विश्वकप आउन अझै समय बाँकी छ, अगस्तसम्म कुर्नुपर्छ,’ आईसिसीका एक अधिकारीले टाइम्स अफ इन्डियासँग भनेका छन्, ‘आगमी दुई महिनामा अवस्था राम्रो पनि हुन सक्छ । यदी आईसिसीले मेमै विश्वकप स्थागित गर्ने निणर्य ग¥यो र आगामी दुई महिनामा अवस्थास सुध्रियो र प्रतियोगिता गर्न सक्ने अवस्था आयो भने अन्तर्राष्ट्रिय क्रिकेटमा यसले ठूलो असर गर्छ । सोच विचार गरेर मात्र निर्णय गर्नुपर्छ, निर्णय गर्न हतार गर्नुहुन्न ।’

उनका अनुसार टि–२० विश्वकपका बारेमा अहिले योजना अनुसार नै काम भइरहेको छ । यही अनुसार चलिरहे तोकिएकै अवस्थामा विश्वकप हुन सक्ने उनले बताए। तर, अहिलेको अवस्थामा आईसिसीको प्रमुख चासो खेलाडी, प्रशिक्षक र दर्शकको सुरक्षा नै भएको उनले बताए ।

आईसिसीले बुधबार भिडियो कन्फ्रेन्स मार्फत् आफ्ना सदस्यहरुसँग अहिलेको अवस्थाका विषयमा छलफल गर्दै छ ।

Leave a Reply

Your email address will not be published. Required fields are marked *

CLICK HERE TO SKIP