बर्नली र सेफिल्ड, न्युकासल र वेस्टह्यामले खेले बराबरी

इंग्लिस प्रिमियर लिगको आइतबार बर्नली र सेफिल्ड युनाइटेडले बरारबी खेलेका छन् । आइतबार भएको खेलमा यी दुई टिमले १–१ को बराबरी खेलेका हुन् । यो बराबरीले अर्को सिजन युरोपमा खेल्ने सेफिल्डको महत्त्वकांक्षा धक्का लागेको छ ।

बर्नलीले आफ्नो घरेलु मैदानमा जेम्स टारकोवस्कीको गोलले ४३ औं मिनेटमा अग्रता लिएको थियो । तर सेफिल्डका तर्फबाट खेल सकिन १० मिनेट अगाडि जोन इगनले बराबरी गोल फर्काए ।

यसैगरी आइतबार राति नै भएको अर्को खेलमा न्युकासल र वेष्टह्यामले पनि बराबरी खेले । न्युकासलको मैदानमा भएको खेल २–२ गोलको बराबरीमा सकियो । खेलमा मिग्युइल अल्मिरोन र जोन्जो सेल्भीले गोल गरेका थिए भने वेस्टह्यामका मिचइन एन्टेनियो र टोमस सुचेकले गोल गरेका थिए ।

सेफिल्ड ४८ अंकका साथ आठौं स्थानमा छ भने बर्नली ४६अंकका साथ नवौं स्थानमा छ । यस्तै, ४३ अंक जोड्दै न्युकासल १२औं स्थानमा रहँदा ३१ अंकका साथ वेस्टह्याम १६औं स्थानमा छ ।

Facebook Comments Box

Leave a Reply

Your email address will not be published.