एनएसएलका लागि पिटर सेगुन ललितपुरमा

आउँदो शनिबारदेखि काठमाडौंमा सुरु हुने पहिलो संस्करणको नेपाल सुपर लिग (एनएसएल) फ्रेन्चाइज फुटबलका लागि ललितपुर सिटी एफसीले पिटर सेगुनलाई अनुबन्ध गरेको छ।

ललितपुरले लामो सामय नेपालमा ए डिभिजन लिग खलेका डिफेन्डिर सेगुनलाई अनुबन्धन गरेको हो। एनएसएल खेल्नका लागि सेगुन बिहीबार काठमाडौं आइपुगेका छन् ।

पिटर सेगुनले पछिल्लो सिजन मछिन्द्र क्लबबाट शहीद स्मारक ए डिभिजन लिग खेलेका थिए । त्यसअघि उनले थ्री स्टार क्लबबाट समेत लिग उपाधि जितेका छन् । सेगुन नेपालको घरेलु फुटबलमा उत्कृष्ट डिफेन्डरको रुपमा चिनिन्छन् ।

ललितपुर सिटी एफसीले यसअघि क्रोएसियाका फरवार्ड भिलिम पोनिस्कोभिक र अजरबैजानका फरवार्ड नुर्लान जाहिद नोभ्रुजोभलाई टिममा अनुबन्ध गरिसकेको छ । राष्ट्रिय टिमका सदस्य अञ्जन विष्ट ललितपुर सिटी एफसीका मार्की प्लेयर हुन् ।

नेपाल स्पोर्ट्स एण्ड इभेन्ट म्यानेजमेन्टको आयोजनामा हुन लागेको एनएसलको उद्घाटन खेलमा ललितपुरले काठमाडौं रेजर्ससंग प्रतिस्पर्धा गर्नेछ ।

एनएसएलमा ७ फ्रेन्चाइज टिमले राउण्ड रोविन लिगको आधारमा प्रतिस्पर्धा गर्नेछन् । सबै खेल दशरथ रंगशालमा खेलाइनेछ । फाइनल जेठ १ गते हुनेछ ।

Facebook Comments Box

Leave a Reply

Your email address will not be published.