जारी राष्ट्रिय महिला लिगमा विभागीय टिम नेपाल पुलिस क्लबका दुई खेलाडीले एउटै खेलमा ह्याट्रिक गरेका छन्। लिगअन्तर्गत शुक्रबार एन्फा कम्प्लेक्स मैदानमा भएको भएको खेलमा सुदूरपश्चिम प्रदेशविरुद्ध पुलिका निरु थापा र दीपा न्यौपानेले ह्याट्रिक गरेका हुन्।
कप्तान निरु र दीपाको ह्याट्रिक मद्दतमा पुलिस क्लबले सुदूरपश्चिममाथि ९–० को एकतर्फी जित निकाल्यो।
पुलिसको फाराकिलो जितमा निरु र दीपासँगै पूजा राना, घिमकुमारी गुरुङ र अनुष्का शेर्पाले पनि गोल गरे। पुलिसले पहिलो ३ र दोस्रो हाफमा ६ गोल गरेको थियो ।
जारी प्रतियोगितामा पुलिसको यो पहिलो जित हो। यसअघि पहिलो खेलमा पुलिस अर्को विभागीय टिम एपिएफसँग बराबरीमा रोकिएको थियो।
आजै भएको अर्को खेलमा रौतहटको चन्द्रपुर नगरपालिका र संकटा क्लबले गोलरहीत बराबरी खेलेका छन्। चन्द्रपुरको लागतार दोस्रो बराबरी हो।