एनएसएलमा धनगढीको टिम तेपे फुजाले हेर्ने

पहिलो पटक आयोजना हुन लागेको फ्रेन्चाइज फुटबल नेपाल सुपर लिग (एनएसएल)का लागि धनगढी एफसीले प्रशिक्षकमा नाइजेरियाली नागरिक तेपे अयोडेजी फुजा अनुबन्धन गरेको छ । गो ड्रिमर्स प्रालिको स्वामित्वमा रहेको धनगढी एफसीले दक्षिण एसियाका विभिन्न क्लबमा लामो सयमदेखि प्रशिक्षक रहेका अनुभवी फुजालाई प्रशिक्षक बनाएको हो।

गो ड्रिर्सका प्रमुख सुवास शाहीले तेपे फुजालाई प्रशिक्षकका रुपमा नियक्त गरिएको र उनीसँग सम्झौता पनि भइसकेको बताएका छन् । फुजा एडिभजिन क्लब मनाङ मर्स्याङ्दीका प्रशिक्षक हुन्।

उनकै प्रशिक्षणमा मनाङबले २०७५ सालको शहीद स्मारक ए डिभिजन लिग जितेको थियो । उनले भारतमा सिमला योङ, मुम्बई युनाइटेड, पियरलेस, हिन्दुस्तान एफसी, टलिगञ्ज अग्रगामी, मोहम्मडन स्पोर्टिङ र चेन्नई एफसीको टिम सम्हालेका थिए ।

शाहीले फुटबलमै जीवन बिताएका फुजाको आगमनले टिम बलियो हुने बताए । फुजा नेपाली खेलाडीहरूको स्तर र क्षमताबारे जानकार रहेकाले त्यसको फाइदा टिमलाई हुने पनि बताए।

धनगढी एफसीले मार्की खेलाडीका रुपमा नेपाली राष्ट्रिय खेलाडी अन्जन विष्टलाई अनुबन्धन गरेको छ।

प्रतियोगितामा सात प्रदेशका सात टिम सहभागी हुन् छन्। जसमा धनगढी एफसी, विराटनगर सिटी फुटबल क्लब, काठमाडौं रेजर्स फुटबल क्लब, ललितपुर सिटी फुटबल क्लब, एफसी चितवन, पोखरा थन्डर्स र बुटवल लुम्बिनी एफसी छन् ।?रउश्र

सहभागी ७ टिमले शुक्रबार हुने अक्सनबाट खेलाडी किन्ने छन् । अक्सनका लागि १ सय ५८ खेलाडीले आफ्ना नाम दर्ता गराएका छन् । अक्सनका लागि खेलाडीलाई तीन क्याटेगारीमा छुट्याइएको छ । जसमा राष्ट्रिय टिमको प्रशिक्षणमा रहेका ३५ खेलाडी ए श्रेणीमा छन् भने बी श्रेणीमा ६५ जना र सी श्रेणीमा ५८ जना खेलाडीले नाम दर्ता गराएका छन् ।

अक्सनबाट प्रत्येक टिमले २० लागि खेलाडी लिने छन् । एक टिमले ३ विदेशी खेलाडी राख्न पाउने छन् भने एकैपटक दुई खेलाडीमात्र खेलाउन पाउने छन् ।

अखिल नेपाल फुटबल संघ एन्फाको प्राविधिक सहयोगमा नेपाल स्पोटर्स एण्ड म्यानेजमेन्टले आयोजना गर्न लागेको प्रतियोगिता सिंगल राउण्ड रोबिनको आधारमा हुने छ । प्रतियोगितामा वैशाख ११ देखि २५ गतेसम्म त्रिपुरेश्वरस्थित दशरथ रंगशालमा हुनेछ ।

Facebook Comments Box

Leave a Reply

Your email address will not be published.