एन्फाले बंगलादेश र कीर्गिस्तानसम्मिलित त्रिदेशीय प्रतियोगिता आयोजना गर्ने

अखिल नेपाल फुटबल संघ (एन्फा)ले त्रिदेशीय अन्तराष्ट्रिय फुटबल प्रतियोगिता आयोजना गर्ने भएको छ । एन्फाले आगामी चैतमा त्रिदेशीय अन्तर्राष्ट्रिय फुटबल आयोजना गर्ने शुक्रबार जनाएको हो ।

नेपाल, बंगलादेश र कीर्गिस्तान सहभगाी हुने प्रतियोगिता चैत ९ देखि १७ सम्म दशरथ रंगशालमा हुनेछ। प्रतियोगितामा नेपाल र बंगलादेशका राष्ट्रिय टिम सहभागी हुने छन् भने कीर्गिस्तानको टिम भने यू२३ टिम सहभगी हुने एन्फाले जनाएको छ।

राउण्ड रोबिनको आधारमा हुने लिगको शीर्ष दुई टिमले फाइनलमा प्रतिस्पर्धा गर्ने छन् । प्रतियोगितामा कुल ४ खेल हुनेछ । प्रतियोगितालाई फिफाले मान्यता दिने एन्फाले जनाएको छ ।

विश्वकप छनोटअन्तर्गत खेल स्थगित भएपछि एन्फाले त्यो समयमा थ्री नेसन्स कप गर्ने निर्णय गरेको हो।

Facebook Comments Box

Leave a Reply

Your email address will not be published.