विश्वकप छनोट र मैत्रीपूर्ण खेलका लागि नेपाली टिमको हवाई खर्च फिफाले बेहोर्ने

आसन्न विश्वकप छनोट र इराकविरुद्धको मैत्रीपूर्ण खेलका लागि नेपाली टिमको हवाई खर्च फिफाले बेहोर्ने भएको छ। एन्फाकाे आग्रहमा फिफाले नेपाली टिमकाे हवाई खर्च बेहाेर्ने भएकाे हाे।

घरेलु मैदानका लागि तय भएका विश्वकप छनोटका खेला कुवेतमा सारिएपछि एन्फाले आफूलाई ठूलो आर्थिकभार पर्ने भन्दै एएफसी र फिफामा पत्राचार गरेपछि विश्वपक छनोट र इराकसँगको मैत्रीपूर्ण फुटबलमा नेपाली टिमको हवाई खर्च बेहोर्न फिफा तयार भएको हो।

आफूहरुले पठाएको पत्रको जवाफ दिँदै फिफाले विश्वकप छनोट र इराकविरुद्धको मैत्रीपूर्ण खेलका लागि हवाई खर्च र पिसिआर परीक्षण खर्च बेहोर्न फिफा तयार भएको अखिल नेपाल फुटबल संघ (एन्फा) अध्यक्ष कर्माछिरिङ शेर्पाले जानकराी दिए ।

‘हामीले सबै अवे खेल खेलिसकेका छौं, अब हाम्रो तीन होम खेल पनि अन्यत्र रासिँदा हामीलाई ठूलो घाटा हुन्छ, टिकट बिक्री र प्रायोजकबाट पनि आम्दानी हुँदैन । त्यसैले हामीलाई एएफसी र फिफालाई पत्रकार गरेका थियौं,’ एन्फा अध्यक्ष शेर्पाले भने, ‘हाम्रो आग्रह फिफाले सुनेको छ, यसले एन्फालाई ठूलो आर्थिक भार कम भएको छ।’

कोरोना महमारीका कारण अन्तर्राीष्ट्रय उडान बन्द भएकाले प्रतियोगिता खेल्ना लागि विमान चार्टर्ड गुर्नपर्ने हुन्छ । ‘अन्तर्राष्ट्रिय प्रतियोगिता खेल्दा सबै खर्च सम्बन्धित संघले व्यहोर्नुपर्छ । तर, प्लेन चार्टर्डमा १ लाख ६०हजार अमेरिकी डलर खर्च हुन्छ, त्यसैले हामीले एएफसी र फिफासँग सहयोगका आग्रह गरेका हौं,’ उनले भने।

अध्यक्ष शेर्पाले प्लेन चार्टर्डका लागि तीन वटा एयरलाइन्सको कोटेसन पठाएकोमा कतार एयरवेजको कोटेसन फिफाले स्वीकृत गरेको बताए ।

नेपाली टोली इराकसँगको मैत्रीपूर्ण खेलका लागि जेठ ११ गते इराक प्रस्थान गर्ने छ। उतैबाट विश्वकप छनोट खेल्नु कुवेत जाने छ, त्यहाँबाट नेपाल फर्कने छ।

नेपालले जेठ १५ गते बसार अन्तर्राष्ट्रिय रंगशालमा इराकसँग मैत्रीपुर्ण खेल खेल्ने छ । नेपाली टोली विश्वकप छनोटका लागि जेठ १६ गते टोली स्थलमार्ग हुँदै कुवेत जाने छ ।

विश्वकप छनोटमा नेपालले जुन ३ मा चाइनिज ताइपे, जुन ७ मा जोर्डन र जुन ११ मा अष्ट्रेलियासँग खेल्नेछ।

विश्वकप छनोटका समूम बीमा रहेको नेपाल अंक तालिकामा ३ अंकका साथ चौथो स्थानमा छ । नेपालले ५ खेलमा १ जित र ४ खेलमा हार बेहोरेको थियो। अष्ट्रेलिया १२ अंकका साथ शीर्षस्थानमा छ भने कुवेत र जोर्डनको समान १० अंक छ ।

विश्वकप छनोट र इराकविरुद्धको मैत्रीपूर्ण खेलका लागि प्रशिक्षक अब्दुल्लाह अलमुताइरीले मंगलबार मात्र २३ सदस्यीय नेपाली टिमको घोषणा गरेका थिए । प्रशिक्षक अलमुताइरीले राष्ट्रिय टिममा अधिकांश युवा खेलाडीलाई मौका दिएका छन् ।

टिममा किरण चेम्जोङ, रोहित चन्द, विशाल राई, अन्नत तामाङ, अन्जन विष्टलगयात सिनियर खेलाडीले स्थान बनाउँदा ६ नयाँ अनुहारले पनि टिममा स्थन बनाएका छन्।

यस्तो छ नेपाली टिम

गोलकिपर : किरण चेम्जोङ (कप्तान), दीप कार्की, विशाल सुनार।

डिफेन्डर : अनन्त तामाङ, रोहित चन्द, दिनेश राजवंशी, गौतम श्रेष्ठ, सुमन अर्याल, विकास खवास।

मिडफिल्डर : विशाल राई, सन्तोष तामाङ, सुनिल बल, एरिक विष्ट, मनिष डाँगी, कमल थापा, सुरजजिउ ठकुरी, पुजन उपरकोटी र आयुष घलान, सुमन लामा ।

स्ट्राइकर : अभिषेक रिजाल, अन्जन विष्ट, नवयुग श्रेष्ठ, आशिष लामा।

Facebook Comments Box