सुपरस्टार क्रिस्टियानो रोनाल्डोले अन्तर्राष्ट्रिय फुटबलबाट सन्यास लिएपछिको पहिलो खेलमा पोर्चुगल पराजित भएको छ। युइएफए नेसन्स लिग अन्तर्गत शनिबार राति भएको खेलमा पोर्चुगल घरमै डेनमार्कसँग ४–१ ले पराजित भयो।
डेनमार्कका लागि रास्मस होएल्यान्डले ५०औं र ५७औं मिनेटमा गोल गरे भने पिएरे एमिल होएवर्गले ४३औं मिनेटमा पेनाल्टीबाट गोल गरेका थिए। यस्तै योकिम एन्डरसनले ७५औं मिनेटमा गोल गरे।
पोर्चुगलका लागि दोस्रो हाफको इन्जुरी टाइममा बर्नार्डो शिल्भाले सान्त्वना गोल फर्काए।
डेनमार्कसँग पराजित भएपनि लिग ए को ग्रुप फोरमा ५ खेलबाट १२ अंकसहित पोर्चुगल शीर्ष स्थानमै छ र यसअघि नै क्वाटरफाइनलमा स्थान पक्का गरिसकेको छ।
