रोहितले अर्को सिजन पनि पेर्सिजाबाटै खेल्ने

इन्डोनेसियामा व्यवसायिक फुटबल खेलिरहेका नेपाली राष्ट्रिय फुटबल टिमका स्टार मिडफिल्डर रोहित चन्दले आगमी सिजन पनि पेर्सिजा जाकर्ताबाटै इन्डोनेसियन लिग खेल्ने भएका छन् । नयाँ सिजन क्लबबाटै खेल्ने पेर्सिजाले राखेको प्रस्ताव रोहितले स्वीकार गरेपछि उनी आगामी सिजन पनि पेर्सिजाकै जर्सीमा देखिने भएका हुन् ।

रोहितलाई पेर्सिजाले २ सिजन क्लब रहन गरेको प्रस्ताव उनले स्वीकार गरेको रोहितका दाजु रोबिन चन्दले जानकारी दिएका छन् । उनका अनुसार रोहितले क्लबको प्रस्ताव स्वीकार गरेपनि औपचारिक सम्झौता भने भइसकेको छैन ।

सहमति पछि रोहितले इन्डोनेसियमा पेर्सिजाबाट अभ्यास पनि थालिसकेको रोबिनले बताए । उनले इन्डोनेसियाभन्दा बाहिरबाट राम्रो प्रस्ताव आएमा भने रोहितलाई रिलिज गर्ने शर्तमा पेर्सिजासँग सहमति भएको बताए ।

रोहित सन् २०१२ लगातार इन्डोनेसियामा फुटबल खेलिहेका छन् । त्यतिखेल रोहित पिएसपिएस पेकनबारुमा आबद्ध भएका थिए । सन् २०१३मा उनी पेर्सिजामा आबद्ध भएका थिए । पहिलो सिजन उनले ३० खेल खेल्दै ३ गोल गरे । अर्को सिजन उनी घाइते भए र पुरै सिजन मैदानबाहिर रहे ।

सन् २०१७ बाट भने लागतार रोहित पेर्सिजाबाटै खेलिरहेका छन् । सन् २०१८ मा पेर्सिजाले लिग जित्दा, रोहित टिमका प्रमुख खेलाडी थिए । रोहित प्रतियोगिताकै उत्कृष्ट खेलाडी समेत बने । यो सिजन भने पेर्सिजाले लिगमा राम्रो प्रदर्शन गर्न सकेन ।

एन्फा एकेडेमीका पहिलो ब्याचका खेलाडी रोहितको व्यसायिक फुबटल भने मच्छिन्द्र क्लबबाट सुरु भएको थियो । उनले मच्छिन्द्रबाट ३६ खेल खेल्दै ६ गोल गरेका थिए । त्यसपछि उनले भारतको बैंग्लोरको एचएएल स्पोर्टिङ क्लब, मलेसियाको तेरेंगनु फुटबल क्लब र नेपालकै मनाङ मस्र्याङ्दीबाट पनि खेले ।

Facebook Comments Box

Leave a Reply

Your email address will not be published.