सबै खेल 
नेपाल प्रियिमर लिगको जारी खेलमा पोखरा एभेन्जर्सले काठमाडौं गुर्खाजलाई १३९ रनको चुनौतीपूर्ण लक्ष्य दिएको छ।
टियू मैदानमा शनिबार भएको खेलमा पहिला ब्याटिङ गर्दै पोखराले ८ विकेटको क्षतिमा १३८ रन बनायो।
उसका लागि रेमोन रेइफरले पुनः एक पटक उत्कृष्ट इनिङ खेले। अघिल्लो खेलमा बल र ब्याट दुवैबाट उत्कृष्ट प्रदर्शन गरेका रेइफरले काठमाडौंविरुद्ध पनि ३० बलमा ३ छक्का र १ चौका प्रहार गर्दै सर्वाधिक ४१ रन बनाए।
यस्तै, दिनेश खरेलले २५ बलमा ६ चौका र १ छक्का प्रहार गर्दै ३८ रन बनाउँदा दिलिप नाथले २४ बलमा २७ रन बनाए। यही खेलमा डेब्यू गरेका भारतीय खेलाडी आकर्षित गोलेमले ८ रन मात्र बनाउन सके।
बलिङमा काठमाडौंका करण केसी र रसिद खानले समान ३ विकेट लिँदा माइकल लेविट र जेरार्ड इरास्मसले समान १ विकेट लिए।
५ खेलमा समान ४ अंक जोडेका दुवै टिमलाई प्लेअफ सम्भावना जिवितै राख्न आजको खेलमा जित आवश्यक छ। हारले प्लेअफ सम्भावना कमजोर बन्नेछ।
