भुटानमा जारी काभा बिच भलिबलमा नेपालको पुरुष र महिला दुवै टिमले लागतार दोस्रो जित निकालेका छन्।
पुरुष टिमले उज्वेकिस्तान र भुटानको बी टिमलाई हराउँदा महिला टिमले आयोजक भुटान र उज्वेकिस्तानलाई हरायो।
थिम्पुस्थित चाङ्लिमिथाङ राष्ट्रिय रंगशालामा शुक्रबार बिहान भएको पुरुषतर्फको खेलमा नेपालले उज्वेकिस्तानलाई २–० को सेटमा हरायो।
मानबहादुर श्रेष्ठ र दिलबहादुर सुनारको जोडीले उज्वेकिस्तानका मुहामादिएभ र शारिपोभको जोडीलाई २१–१५, २१–१४ ले पराजित गरेको हो।
त्यसअघि यही टिमले भुटानको बी टिमलाई २–०कै सेटमा हराएको थियो। पहिलो खेलमा नेपाल माल्दिभ्स ए सँग २–० ले पराजित भएको थियो।
यस्तै, कमला पुन र मनिषा चौधरीको नेपाली जोडीले भुटानी जोडी लेकेन र डेछेनलाई २१–५, २१–४ ले हरायो।
पहिलो खेलमा यो जोडीले नेपालले उज्वेकिस्तानलाई २१–१७, २१–१५ ले हराएको थियो।