एनभिए भलिबल : हेल्प नेपाल र पुलिल क्वार्टरफाइलनमा

काठमाडौंमा जारी छैटौं संस्करणको महिला तथा पुरुष क्लब भलिबल च्याम्पियनसिपअन्तर्गत पुरुषतर्फ हेल्प नेपाल विजयी भएको छ। बुधबार भएको खेलमा हेल्प नेपालले गल्कोट स्पोर्टस क्लबलाई ३–१को सेटमा पराजित गरेको हो ।

त्रिपुरेश्वरस्थित राखेपको कभर्डहलमा भएको खेलमा गल्कोट स्पोर्टस क्लबलाई ३–१ को सेटमा पराजित गर्दै हेल्प नेपाल समूह सीको विजेताका रुपमा क्वाटरफाइलनमा प्रवेश गरेको हो ।

हेल्प नेपालले २५–१८, २२–२५, २५–२२ र २५–१९ को सेटमा जित निकाल्यो। योजितसँगै हेल्प नेपालले तीन खेलमा ९ अंक बनायो । हेल्प नेपालले यसअघि प्रदेश–२ र वाग्मती प्रदेशलाई हराएको थियो । त्यस्तै अन्तिम खेलमा पराजित भएपनि गल्कोट समूह उपविजेता बन्दै क्वाटरफाइनलमा पुगेको छ । ३ खेलमा जित निकलोको गल्कोटले ६ जोड्यो । समूह सीबाट बागमति र प्रदेश–२ भने बाहिरिएका छन्।

यसैगरी बुधबार नै भएको अर्को खेलमा नेपाल पुलिस पनि विजयी भयो । उसले गण्डकी प्रदेशलाई ३–० को सोझो सेटमा हरायो। पुलिसले गण्डकीविरुद्ध २५–१४, २५–१४ र २५–१८ को जित निकाल्यो । समूह बीमा शतप्रतिशत जित निकालेको पुलिस ९ अंक जोड्दै समूह विजेताका रुपमा क्वार्टरफाइनल प्रवेश गर्दा ५ अंक जोडेको गण्डकी उपविजेता बन्दै क्वाटरफाइनलमा पुग्यो ।

नेपाल भलिबल सङ्घले आयोजना गरेको उक्त प्रतियोगितामा पुरुषतर्फ १४ र महिलातर्फ ६ टोलीको सहभागिता रहेको छ । महिला तथा पुरुष विजेता टोलीले समान ४ लाख रुपैयाँ पाउनेछन् भने उपविजेताले दुई लाख तथा तेस्रो हुने टोलीले एक लाख रुपैयाँ प्राप्त गर्नेछन् ।

Facebook Comments Box