प्रिमियर लिग क्लब म्यान्चेस्टर सिटी पेप ग्वार्डिओलाको नेतृत्वकै खराब लयमा छ। उसले पछिल्ला १० खेलमा ८ खेलमा पराजित हुँदा १ खेल मात्र जितेको छ।
खराब लयमा रहेको म्यान्चेस्टर सिटी बुधबार राति च्याम्पियन्स लिगमा पराजित भयो। ऊ इटालियन क्लब युभेन्टससँग २–०ले पराजित भयो।
सिटीविरुद्ध युभेन्टसलाई जित दिलाउन डुसान भ्लाहोविच र वेस्टन म्याकेनीले गोल गरे।
पहिलो हाफ गोलरहित बराबरीमा सकिएको थियो। तर, ५३औं मिनेटमा भ्लाहोविचले गोल गर्दै युभेन्ट्सलाई सुरुआती अग्रता दिलाए। त्यसपछि ७५औं मिनेटमा म्याकेनीले गोल गरेपछि खेल युभेन्ट्सले २–०ले जित्यो।
च्याम्पियन्स लिगमा सिटीले ६ खेलमा समान २ जित, हार र बराबरी खेलेको छ। ऊ ८ अंकसहित २२औं स्थानमा छ। यता, यभुेन्ट्स भने ३ जित र १ बराबरीसहित ११ अंक जोड्दै १४औं स्थानमा छ।
यस्तै, अर्को इटालियन क्लब एसी मिलान पनि विजयी भएको छ। बुधबार राति भएको खेलमा एसी मिलानले कार्वेना जिवेज्डालाई २–१ले हरायो।
खेलमा मिलानका लागि साफेइल लिआओ र टमी अब्राहमले गोल गरेका थिए भने जिवेज्डाका लागि नेमान्जा राडोन्जिकले गोल गरेका थिए।