इंग्लिस प्रियिमर लिगमा दुई ठूला क्लब चेल्सी र म्यान्चेस्टर युनायटेड पराजित भएका छन्। सोमबार राति भएको खेलमा चेल्सी रेलिगेसन जोनमा भएको इपस्विच टाउन र युनाइेड न्युकासलसँग पराजित भए।
चेल्सीलाई इपस्विचले २–०ले हरायो। उसलाई जित दिलाउन लिअम डेल्प र ओमारी हुचिन्सनले गोल गरेका थिए। खेलमा चेल्सीले पूर्णरुपमा दबाब कायम गरेपनि १२औं मिनेटमा डेल्पले पेनाल्टीमा गोल गर्दे टिमलाई सुरुआती अग्रता दिलाए।
पहिलो हाफ १–०मै सकियो। ५३औं मिनेठमा हुचिन्सनले गोल गर्दै इपस्विचको अग्रता दोब्बर बनाए। त्यसपछि खेलमा गोल नहुँदा चेल्सी पराजित भयो। चेल्सीको यो लागतार दोस्रो हार हो। यसँगै उसले दोस्रो स्थानमा उक्लने अवसर पनि गुमायो।
खेलमा चेल्सीले ७६ प्रतिशत बल पोजेशन बनाउँदै २० सट प्रहार गरेको थियो। जसमध्ये ५ सट फ्रेममा थियो। यता, इपस्विचले ९ सट प्रहार गर्दा ६ सट फ्रेममा थियो।
हारपछि लिगमा चेल्सी ३५ अंकसहित चौथो स्थानमा छ भने इपस्विच १५ अंकसहित १८औं स्थानमा छ।
यस्तै, अर्को खेलमा खराब लयबाट गुज्रिरहेको म्यान्चेूस्टर युनाइटेडलाई उसकै मैदानमा न्युकासलले २–०ले हरायो। न्यकासलका लागि अलेक्जान्डर इसाक र जोएलिङ्टनले गोल गरेका थिए।
चौथो मिनेटमा इसाकले गोल गर्दै न्युकासललाई अग्रता दिलाए। १९औं मिनेटमा जोइलिङ्टनले गोल गरेपछि खेलमा न्युकासलले २–०को अग्रता लियो। त्यसपछि खेलमा गोल हुन नसक्दा न्युकासल विजयी भयो।
खराब लयमा रहेको युनायटेडको यो लगातार चौगो हार हो। ऊ २२ अंकसहित १४औं स्थानमा छ भने न्युकासल ३२ अंकसहित पाँचौं स्थानमा उक्लिएको छ।
यस्तै, अर्को खेलमा ब्राइटन र एस्टन भिल्लाले २–२ गोलको बराबरी खेलेका छन्। खेलमा भिल्लाका वोली वाट्किन्स र मोर्गन रोजर्सले गोल गरे भने ब्राइटनका सिमोन एडिन्जर र तारिक लाम्पटीले गोल गरेका थिए।