जर्मन बुन्डेस लिगामा बायर लेभरकुसन विजयी भएको छ। शुक्रबार राति भएको खेलमा लभेरकुसनले बोरुसिया टर्डमन्डलाई उसकै मैदानमा ३–२ले हरायो।
गत मे यता अवे खेलमा अपराजित रहेको लेभरकुसनलाई जित दिलाउन प्याट्रिक सचिकले २ गोल गरे भने नाथन टेल्ला पनि गोल गरे। यता, डर्टमन्डका जमी गिटेन्स र सेहोउ गुइर्सीले गोल गरेका थिए।
खेलको २४ सेकेन्डमै लेभकसुनले अग्रता लियो। उसका टेल्लाले गोल गरेका थिए। १२औं मिनेटमा गिटेन्सले गोल गर्दै डर्टमन्डलाई खेलमा फर्काए।
तर, ७ मिनेट अन्तरमा सचिकले २ गोल गरेपछि २० मिनेट नबित्दै लेभरकुसनले ३–१को अग्रता लियो । सचिकले ८ र १९औं मिनेटमा गोल गरेका थिए।
पहिलो हाफको २० मिनेटमा ४ गोल भएको खेलमा दोस्रो हाफमा १ गोल मात्र सम्भव भएको थियो। ७९औं मिनेटमा पेनाल्टीमा गुइर्सीले गोल गर्दै खेललाई ३–२मा ल्याए। तर त्यसपछि गोल नहुँदा लेभरकुसन विजयी भयो।
जितपछि लेभरकुसन १६ खेलमा ३५ अंक जोड्दै दोस्रो स्थानमा छ। १ खेल कम खेलेको बायर्न म्युनिख भन्दा ऊ १ अंकले पछि छ। डर्टमन्ड भने २५ अंकसहित छैठौं स्थानमा छ।