जर्मन बुन्डेस लिगामा बायर्न म्युनिख विजयी भएको छ। बुधबार राति भएको खेलमा बायर्नले होफनहेइममाथि ५–०को फराकिलो जित निकाल्यो।
बार्यनको जितमा लेरोए सानेले २ गोल गरे भने राफाइल गुइरेरो, ह्यारी कने र सर्ज गनाब्रीले पनि गोल गरे। बायर्नले पहिलो हाफमा ३ र दोस्रो हाफमा २ गोल गरेको थियो।
छैठौं मिनेटमा सानेको गोलमा बायर्नले अग्रता लियो। १२औं मिनेटमा गुइरेरोले गोल गर्दै बायर्नको अग्रता दोब्बर बनाए। २६औं मिनेटमा केनले पेनाल्टीमा गोल गरेपछि बायर्नले पहिलो हाफमा ३–०को अग्रता बनायो।
४८औं मिनेटमा सानेले नै गोल गरेपछि बायर्नले ४–०को अग्रता बनायो। त्यसपछि ६६औं मिनेटमा गनाब्रीले गोल गरेपछि बायर्न ५–०ले विजयी भयो।
यो जितसँगै बायर्नले शीर्ष स्थानमा पुनः ४ अंकको अग्रता बनाएको छ। १७ खेलमा बायर्नको ४२ अंक छ भने समान खेलबाट ३८ अंक जोडेको बायर लेभरकुसन दोस्रो स्थानमा छ।