लिभरपुल च्याम्पियन्स लिग फुटबलको अन्तिम १६मा पुग्ने पहिलो टिम बनेको छ। प्रतियोगितामा लागतार सातौं जित निकाल्दै लिभरपुलले अन्तिम १६मा स्थान पक्का गरेको हो।
लगातार सातौं जित निकाल्ने क्रममा लिभरपुलले १० खेलाडीमा सीमित लिललाई २–१ ले हरायो।
एन्डफिल्डमा सलाहले ३४ औं मिनेटमा गोल गर्दै लिभरपुललाई सुरुआती अग्रता दिलाएका थिए। पहिलो हपाm १–०मै सकियो।
५९औं मिनेटमा आइसा मान्डी दोहोरो पहेँलो कार्ड पाउँदै मैदानबाट बाहिरिएपछि लिल १० खेलाडीमा समेटियो। तर, उसले ६२औं मिनेटमा बराबरी गोल फर्कायो। उसका जोनाथन डेविडले गोल गरेका थिए।
त्यसको ५ मिनेटपछि नै लिभरपुलले खेलमा पुन अग्रता बनायो। ६७औं मिनेटमा उसका हार्भी इलियटले गोल गरेका थिए। त्यसपछि गोल नहुँदा विजयी भएयो।
यो जितपछि लिभरपुलको २१ अंक भएको छ र शीर्ष स्थानमा छ । यो जितपछि लिभरपुल शीर्ष दुई स्थानमा रहने पनि निश्चित भएको छ । बार्सिलोनाको १८ अंक छ र दोस्रो स्थानमा छ।
अन्य खेलमा एटलान्टाले स्ट्रम ग्रजलाई ५–० ले हरायो। ऊ १४ अंकमा चौथो स्थानमा रह्यो। यस्तै, मोनाकोले एस्टन भिल्लालाई १–०, बोलोग्नाले बोरुसिया डर्टमुन्डलाई २–१ , पीएसजी आयनहोभनले एफके क्रभेनालाई ३–२ तथा स्टुटगार्टले स्लोभान ब्राटिस्लाभलाई २–१ ले हरायो । क्लब ब्रुग र युभेन्ट्सबीचको खेल भने गोलरहित बराबरीमा टुंगियो।