‘सभापति कप फुटबल’ प्रतियोगिता बिहीबारबाट सुरु हुने भएको छ।
नेपाल लोकतान्त्रिक खेलकुद संघले आयोजना गरेको प्रतियोगितामा आयोजकसहित कुल ८ टिमको सहभागीता रहने छ। खेल त्रिपुरेश्वरस्थित दशरथ रंगशालामा हुनेछ।
भोलि हुने उद्घाटन खेलमा एडिभिजनका दुई टिम चर्च ब्वाइज युनाइटेड र संकटा क्लबबीच प्रतिस्पर्धा हुनेछ।
यस्तै, दोस्रो खेल माघ ११ गते मच्छिन्द्र क्लब र एपीएफ क्लबबीच हुनेछ भने १२ गते नेपाल पुलिस क्लब र आयोजक बागमती क्लब भीड्ने छन्। माघ १३ गते एनआरटी र फ्रेन्ड्स क्लबबीच प्रतिस्पर्धा हुनेछ।
चर्च बोइज र सकंटाबीचको विजेता तथा मछिन्द्र र एपीएफबीचको विजेताले माघ १४ गते हुने पहिलो सेमिफाइनल खेल्नेछन्।
यसैगरी माघ १५ गते हुने सेमिफाइनलमा नेपाल पुलिस र आयोजक बागमतीबीचको विजेता र एनआरटी र फ्रेन्डक्लब बीचको विजेताले प्रतिस्पर्धा गर्नेछन्।
प्रतियोगिताको फाइनल खेल माघ १७ गते हुनेछ।
उपाधि जित्ने टोलीलाई २६ लाख रुपैयाँ र उपविजेतालाई १३ लाख रुपैयाँ पाउने आयोजकले जनाएको छ।