आईसीसी क्रिकेट विश्वकप लिग–२ अन्तर्गत अमेरिकाविरुद्ध नेपालका ब्याटर इशान पाण्डेले अर्धशतक पूरा गरेका छन् ।
त्रिवि क्रिकेट मैदानमा जारी खेलमा इशानले ६१ बलमा अर्धशतक पूरा गरेका हुन्। उनले ३ चौका र एक छक्का प्रहार गरे।
अर्धशतक प्रहार गरेपछि इशानले आक्रामक इनिङ खेले। उनी ८३ बलमा ८ चौका र १ छक्का मद्दतमा ८४ रन बनाएर आउट भए।
इशानले लगातार दोस्रो खेलमा अर्धशतक प्रहार गरेका हुन्।
उनले यसअघि स्कटल्याण्डविरुद्ध अर्धशतक पूरा गरेका थिए। इशानले ३ ओडीआई खेलमा २ अर्धशतक बनाएका हुन्।