ट्रेनिङ गर्दा रोनाल्डोलाई लकडाउन उल्लंघनको आरोप

युभेन्ट्स तथा पोर्चुगिज सुपरस्टार क्रिस्टियानो रोनाल्डोलाई लकडाउन उल्लंघनको आरोप लागेको छ। कोरोना भाइरसको त्रासबीच घरनजिकै रहेको पोर्चुगलस्थित मडेइरा स्टेडियममा रोनाल्डोले ट्रेनिङ सुरु गरेपछि उनीमाथि लकडाउन उल्लंघनको आरोप लागेको हो।

केही दिनअघि केही साथीहरूका साथ मडेइरा स्टेयिडममा अभ्यास गरिरहेको देखिएपछि सरकारी अधिकारीहरूले रोनाल्डोमाथि लकडाउन उल्लंघन गरेको आरोप लगाएका हुन्। मडेइराका स्वास्थ्य सचिव पेड्रो रामोसले भनेका छन्,‘रोनाल्डोसँग लकडाउन ट्रेनिङ गर्नका लागि कुनै विशेषाधिकारी नभएको बताए। अहिले उनी पनि सामान्य नागरिक मात्र हुन्।’

स्वास्थ्य सचिव रामोसले अन्य नागरिक सरह रोनाल्डोले पनि सरकारी नियमको पालना गर्नुपर्ने बताएका छन् । साथै उनले सामाजिक दुरी कायम राख्न पनि रोनाल्डोलाई सुझाव दिएका छन् । उनले भीड नगरी सामाजिक दुरी कायम गरेर टे«निङ गर्न भने पाउने उनले बताए।

‘विश्वकै सर्वश्रेष्ठ खेलाडीले आफ्नो छविलाई उदहरणको रुपमा पेश गर्नुपर्छ। उनले केही मिनेट मात्र ट्रेनिङ गरेका छन्, त्यसले कुनै नोक्सान हुने देखिँदैन,’ रामोसले भनेका छन्। पोर्चुगलमा लकडाउनका बेला सामाजिक दुरी कयम गरी, भीडभाड नगरी घरबाहिर निकस्न पाइने व्यवस्था छ।

रोनाल्डो गत मार्चदेखि पोर्चुगलमै छन्। आमाको उपचारका लागि मार्चको सुरुवातै इटालीबाट पोर्चुगल पुगेका रोनाल्डो लकडाउनले गर्दा इटाली फर्कन पाएका छैनन्।

Facebook Comments Box

Leave a Reply

Your email address will not be published.