सबै खेल 
पाकिस्तानी भेट्रान फास्ट बलर सोहेल तनवीरले नेपाल प्रिमियर लिगको डेब्यू खेलमै घातक बलिङ गरेका छन्। सोमबार कीर्तिपुरस्थित टियू मैदानमा भएको पहिलो खेलमा तनवीरले ५ विकेटले लिएपछि पहिला ब्याटिङ गरेको काठमाडौं गुर्खाज १११ रनमै अलआउट भयो।
काठमाडौंका लागि सुमित महर्जनले सर्वाधिक २९ रन बनाउँदा माइलक लेविटले २५, डान डउथवेटले १९ र शंकर रानाले १६ बनाउनु बाहेक अन्यले दोहोरो अंकमा स्कोर बनाउन सकेनन्।
बलिङमा चिवतन राइनोजका तनवीरले ४ ओभरमा २१ रन खर्चेर ५ विकेट लिए भने रिजन ढकाल, कुशल मल्ल, अमर रौटेला र लुक बेनकेन्सटेइनले समान १ विकेट लिए।
जवाफी ब्याटिङ थालेको चितवले ९ ओभरमा ५ विकेटको क्षतिमा ६८ रन बनाएको छ। उसका सन्तोष कार्की र शरद भेषावकर क्रिजमा छन्। बलिङमा काठमडौंका साहब आलमले ३ विकेट लिएका छन्।
